Endrick e ka zhvilluar të hënën stërvitjen e tij të parë si futbollist i Olympique Lyonnais, duke qëndruar larg vëmendjes në ambientet e klubit, raporton Le Progrès përmes Foot Mercato.

Sulmuesi 19-vjeçar brazilian, i huazuar nga Real Madridi deri në fund të sezonit, u stërvit me dyer të mbyllura bashkë me bashkëlojtarët e rinj.

Vetëm një grup i vogël tifozësh u mblodhën jashtë qendrës stërvitore, pavarësisht të ftohtit, për të parë nga afër ardhjen e talentit brazilian.

Endrick mbërriti me një SUV të zi me targa spanjolle dhe përshëndeti shkurtimisht një tifoz që mbante fanellën e Brazilit, para se të hynte brenda.

Ai u njoh me skuadrën dhe stafin teknik të Lyonit, ndërsa u largua në mënyrë diskrete më vonë gjatë pasdites me një veturë zyrtare të klubit.

Braziliani pritet të jetë i gatshëm për ndeshjen e 1/32 së finales së Kupës së Francës ndaj Lille, që zhvillohet më 11 janar./Arbresh.info